తేనెటీగల తుట్టె నైనా ఒక క్రమం లో పెట్టవచ్చునేమో గాని, మనస్సుల పరంపర లో కొట్టుకు పోయే వాళ్ళను దారిలో పెట్టడం చాలా కష్టం

ప్రతి ఉదయం మనకో వరం. అందుకే సూర్యోదయమునకు ముందే నిద్ర లేచి, ఈ సృష్టి ఆధారాల చైతన్యలను స్వీకరిస్తూ, అనుసరిస్తూ, విశ్వసిస్తూ ఆస్వాదించండి.

తూటా కంటే శక్తివంతమైనది మౌనం. మౌనం కంటే శక్తివంతమైనది త్యాగం.

విశ్వాసానికి అసలు ఖర్చు ఉండదు. విశ్వాసం లేకపోతే చాలా కోల్పోవలసి వచ్చును. అందుకే ఎప్పుడూ విశ్వాసం తో ఉండండి.

మీ బుద్ధి మీ చుట్టూ మీకు రక్షణ కవచం గా పరిరక్షిస్తూ ఉంటుంది. మీ మనస్సు మీ ముందు నడుస్తూ మిమ్ములను దుఃఖంలో ముంచేసి వెళ్ళిపోతుంది.

ఆధ్యాత్మిక అనుభవం అంటే బోధ తో సంతోషం కలగాలి; స్పర్శ తో ఆనందం కలగాలి; చూపుతో నియంత్రణ రావాలి; మౌనం తో పరవశించాలి; కష్టం వస్తే సేద తీర్చాలి; తప్పు చేస్తే కడుపు లో పెట్టుకుని చింతన, కన్నీళ్ల తో శుద్ధి చేసి సంస్కరించాలి.

ఏది నిజం, ఏది అబద్దం అనేది మీ నిజ నిజాల పైన, అబద్ధాల పైన నిలబడి ఉండును; ఏది సత్యం అనేది ఇవేవి లేని మీ విశ్వాసం పై ఆధారపడి ఉంటుంది.

మౌనం నుంచి సత్య బోధ వస్తుంది; మాట సత్యమును బట్టి బోధించలేదు.